مجموعة من قصائد الشيخ حمدان بن محمد بن راشد آل مكتوم

السلامـ عليكمـ ورحمة الله و بركاته
جبت لكمـ مجموعة من قصائد
الشيخ حمدان بن محمد بن راشد آل مكتوم
ҳҲҳ فــزاع ҳҲҳ

يا مشعل القلب
يا مشعل القلب تكفي خفّـف شويّـه
القلب من كثر صدّك ويلـي لْحالـه
دامه يحبّـك ولا لـه غيـرك بْغيّـه
وش له تحطّـه بدنيـا الهـمّ وتْنالـه
انته حبيبـي لقلبـي نـوره وْضيّـه
تحلا بعيني وقلبي صِرْت تحـلا لـه
وانته ربيع الخفوق وْشمسـه وْفَيّـه
وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّـه
إنته مهَدّي الغـرام وانـت زلزالـه
للموت انا لك حبيبي صـورةٍ حيّـه
ميّت بحبك وحبّك صِرْت انا اسعى له
يا بو عيـونٍ مثِـل عيـن الدمانيّـه
حورا هَدَبْهـا مظـلّ ودعْـج قتّالـه
كاسِنّك الحِسْـن واوصافـك خياليّـه
ومن راد يوصف جمالك أيتهيّـا لـه

الجوال

لا تحسِبْ وْرود تنثَـرْ لـك غـلا وتفلّـه
والبَحَرْ عشرين وِنْجومه وْضِحْك هْلالـه
تعتقد إنّي أنـا مَيِّـتْ .. وانـا لا واللّـه
آنا لا ميّـت حبيبـي لا ولا اللّـه قالـه
لى يبي يقرَبْ خفوقي مـا يجينـي بْزَلّـه
زلّةٍ أسْمَـحْ لهـا ومـن عقبهـا بِزْوالـه
كان عندك هرج بتْقولـه لقلبـي قِـلْ لـه
وش علينا بْهَرْجة المسكين واللـى قالـه
ما عرف شَيٍ في بالي لا بغيت أوصل له
ويذكر اسمي يومهـا وبحلّـه وبترحالـه
من يحب بحب ضايع قلـت اللّـه شلّـه
ضاع واللي ضاع عندي إحتيـاط بْدالـه
والله لا احذفه أنا ويصير حـرف العِلّـه
يالين ما يضحَكْ عليه ابليس قبـل عْيَالـه
لي (مَسِجْ) يكتب في بالي وعقبها أرسل له
ويدخل بْشاشات حبّـه وينحـرِقْ جَوّالـه
مـن خبالـه إلْخبالـه نيّـةٍ نــاوٍ لــه
ولا بغيت ازيد شاف خْبال غيـر خْبالـه
أرفعـه وارجـع أذلّـه وارفعـه وآذلّـه
لين أسمع مرّتين بأذنـي يـا هـي حالـه
ولو بغاني هو رقى لي والاّ انا ما انزِلْ له
لا له انزِلْ لا له ولا ألـف مـن أشكالـه
ذا طريقي من عرفتـك والطريـق تْدلّـه
الطريق اللي تدلّـه لازم ان تسعـى لـه
خِذْ من الشاعر كلامـه والاّ حبّـه خَلّـه
أنا آحبّك .. لا حبيبي لا ولا اللّـه قالـه

بركان الغلا

يفوح بركان الغـلا والصـدر فـاح
ويضيق من ليل الجفا كـون فسيـح
يا معود عينـي علـى قـل المـراح
ويميل غصنك ويتعلـق بـه جريـح
وش فيك تاخذني على ريش وجنـاح
شلون أطيح فراق و أنـا مـا أطيـح
طاح الضيا على جبينـك واستـراح
والليل من بيـن الجدايـل مستريـح
يعني جمعت الليل بأنفـاس الصبـاح
حتـى تجسـد فيـك معنـاه المليـح
الفرحة إلـي كنهـا طعـم النجـاح
والمده الي تجـرح الكـف الشحيـح
مفاتنك سحـر لكـن سحـر مبـاح
عليك أسمي منهـل الوجـه القبيـح
يا أعذب من الماء في مصبه يوم ساح
يوم استبحت القلب وش لـه تستبيـح
اجتحتنـي واتقنـت فـن الاجتيـاح
واتعبتني وانـا سـدودي مـا تبيـح
متعود تتـرك علـى قلبـي جـراح
ذبـاح روح وتمشـي بـدم الجريـح
أشوفـك بعيـن الغـلا والإرتـيـاح
و أنسى الطعون إلي أنا فيني فحيـح
أستوعب أخطائك وأطالبـك السمـاح
ويطغى على كيل الهجاء كيل المديـح
لا لاح براقـك وبـرق الشعـر لاح
أصرخ من الأعماق و أقول الصحيح
إنـك مليـح وتعتبـر سيـد المـلاح
تستقبلـك أفـواه ويضيـع المـديـح

يتابع
=======
الردود

» مجموعة من قصائد الشيخ حمدان بن محمد بن راشد آل مكتوم (2)
» قريبا مجموعة كبيرة من الاحديث الشريفة
» صفة صلاة النبى صلى الله عليه وسلم للمحدث العلامة محمد ناصر الدين الألباني رحمه الله تعالى (1)
» صفة صلاة النبى صلى الله عليه وسلم للمحدث العلامة محمد ناصر الدين الألباني رحمه الله تعالى (2)
» صفة صلاة النبى صلى الله عليه وسلم للمحدث العلامة محمد ناصر الدين الألباني رحمه الله تعالى (3)